యాదగిరిగుట్ట లక్ష్మీనరసింహ స్వామి ఆలయాన్ని 1200 కోట్లతో గత ప్రభుత్వం పునర్నిర్మించింది. ఆలయ నిర్మాణంతో పాటు టెంపుల్ సిటీ అభివృద్ధి, కాటేజీల నిర్మాణం, రహదారులు, సరస్సులు, ఉద్యానవనాలు, అభయారణ్యాలు, నిత్యాన్నదాన సత్రాలు, కల్యాణ మండపాలు, వేద పాఠశాల, శిల్ప నిర్మాణ సంస్థ వంటివి ఏర్పాటయ్యాయి. ఐదేళ్ల పాటు శ్రమించి ఆలయాన్ని కృష్ణ శిలలతో సర్వాంగ సుందరంగా నిర్మించారు.యాదాద్రి కొండపై కొలువుదీరిన ఆ నారసింహుడిని దర్శించుకునేందుకు తెలుగు రాష్ట్రాల నుంచే కాకుండా, దేశ విదేశాల నుంచి ప్రతిరోజూ వేలాది మంది భక్తులు తరలివస్తుంటారు.