వంటింట్లో బొద్దింకల బెడదను వదిలించుకోవడానికి రసాయన స్ప్రేల కంటే ఇంటి చిట్కాలు బాగా పనిచేస్తాయి. ముఖ్యంగా టమాటా, బేకింగ్ సోడా మిశ్రమం బొద్దింకలను పారద్రోలడానికి ఒక అద్భుతమైన మార్గం. వీటితో పాటు బోరిక్ యాసిడ్, బిర్యానీ ఆకులు, వెల్లుల్లి, వేప నూనె వంటి 6 రకాల గృహ నివారణలు బొద్దింకలను శాశ్వతంగా నివారించడంలో సహాయపడతాయి. ఆరోగ్యకరమైన, సురక్షితమైన ఈ పద్ధతుల గురించి మరింత సమాచారం ఇక్కడ చూడండి.
బొద్దింకలకు టమోటా వాసన ఇష్టం, కానీ బేకింగ్ సోడా వాటి జీర్ణవ్యవస్థకు విషంతో సమానం. అందుకే, ఒక టమోటాను తీసుకుని చిన్న చిన్న ముక్కలుగా కోయండి. ఆ ముక్కలపై కొంచెం బేకింగ్ సోడాను చల్లండి. ఈ ముక్కలను బొద్దింకలు ఎక్కువగా కనిపించే సింక్ కింద, అలమరాల మూలల్లో, గ్యాస్ స్టవ్ వెనుక భాగంలో ఉంచండి. టమోటా తిన్న తర్వాత బేకింగ్ సోడా ప్రభావం వల్ల బొద్దింకలు చనిపోతాయి.
బోరిక్ యాసిడ్, పంచదార: బోరిక్ యాసిడ్ను కొంచెం పంచదారతో కలిపి ఉండలు చేసి మూలల్లో ఉంచండి. పంచదార బొద్దింకలను ఆకర్షిస్తే, బోరిక్ యాసిడ్ వాటిని నాశనం చేస్తుంది. వంటింట్లో బొద్దింకల బెడదను వదిలించుకోవడానికి రసాయన స్ప్రేల కంటే ఇంటి చిట్కాలు బాగా పనిచేస్తాయి.
బొద్దింకలకు బిర్యానీ ఆకుల గాఢమైన వాసన అస్సలు పడదు. బిర్యానీ ఆకులను పొడి చేసి లేదా నలిపి మూలల్లో ఉంచితే అవి అక్కడి నుండి పారిపోతాయి. లేదంటే, వెల్లుల్లి, ఉల్లిపాయ, మిరియాల పొడిని కలిపి నీటిలో వేసి మరిగించి, ఆ నీటిని బొద్దింకలు ఉన్న చోట స్ప్రే చేయండి.
వేపలో సహజమైన క్రిమిసంహారక గుణాలు ఉంటాయి. వేప నూనెను నీటిలో కలిపి స్ప్రే చేయడం వల్ల బొద్దింకల బెడద త్వరగా తగ్గుతుంది. టమాటా అందుబాటులో లేకపోతే, చక్కెర, బేకింగ్ సోడాను సమానంగా కలిపి చిన్న చిన్న గిన్నెల్లో వేసి మూలల్లో పెట్టండి. ఏ చిట్కా పాటించినా, రాత్రి పూట వంటిల్లు శుభ్రంగా ఉండేలా చూసుకోవాలి. ఎంగిలి గిన్నెలు సింక్లో ఉంచకుండా జాగ్రత్త పడితే బొద్దింకలు రాకుండా అడ్డుకోవచ్చు.