పచ్చి చికెన్లో క్యాంపిలోబాక్టర్, సాల్మొనెల్లా వంటి ప్రమాదకరమైన బ్యాక్టీరియా అధిక స్థాయిలో ఉంటుంది. వీటిని తినడం వల్ల కడుపునొప్పి, విరేచనాలు, ఫుడ్ పాయిజనింగ్ వంటి ఆరోగ్య సమస్యలు వస్తాయి. మీరు పచ్చి చికెన్ను కడిగినప్పుడు, ఆ నీటి బిందువులు సింక్, ప్లేట్లు, పాత్రలు, కౌంటర్లపై పడి ఈ బ్యాక్టీరియాను వ్యాప్తి చేస్తాయి. పారే నీటి కింద చికెన్ను కడగడం వల్ల బ్యాక్టీరియా చనిపోతుందని చాలా మంది నమ్ముతారు. కానీ నీరు బ్యాక్టీరియాను చంపదు. దానికి అధిక ఉష్ణోగ్రతలు అవసరం. అందువల్ల చికెన్ను కడగడానికి బదులుగా, దానిని పూర్తిగా ఉడికించాలి. ఇది బ్యాక్టీరియా వ్యాప్తి చెందే ప్రమాదాన్ని తగ్గిస్తుంది. అమెరికన్ సెంటర్స్ ఫర్ డిసీజ్ కంట్రోల్ (CDC) ప్రకారం.. పచ్చి కోడి మాంసాన్ని కడగడం వల్ల తీవ్రమైన ఆరోగ్య పరిణామాలు కలుగుతాయి. వండడానికి ముందు పచ్చి కోడి మాంసాన్ని కడగడం వల్ల క్యాంపిలోబాక్టర్ జెజుని, సాల్మొనెల్లా, క్లోస్ట్రిడియం పెర్ఫ్రింజన్స్, స్టెఫిలోకాకస్ ఆరియస్ వంటి బ్యాక్టీరియా వ్యాప్తి చెందుతుంది. దీనివల్ల ఇన్ఫెక్షన్ వచ్చే ప్రమాదం గణనీయంగా పెరుగుతుంది. పచ్చి కోడి మాంసాన్ని కడగడం ముఖ్యంగా పిల్లలకు, గర్భిణీలకు, వృద్ధులకు హానికరం.
కోడిని ఎలా శుభ్రం చేయాలి ?
కోడి మాంసం నుంచి బ్యాక్టీరియాను తొలగించడానికి, దానిని సరైన ఉష్ణోగ్రత వద్ద పూర్తిగా ఉడికించడం చాలా అవసరం. కోడి మాంసాన్ని కనీసం 75°C లేదా 165°F ఉష్ణోగ్రత వద్ద ఉడికించాలి. ఈ ఉష్ణోగ్రత వద్ద కోడి మాంసాన్ని ఉడికించడం వల్ల శ్లేష్మం, బ్యాక్టీరియా తొలగిపోతాయి.
కోడి మాంసంలో బ్యాక్టీరియా వ్యాప్తిని ఎలా నివారించాలి ?
చికెన్ను శుభ్రం చేసిన వెంటనే సింక్, పాత్రలు, కౌంటర్ టాప్లను శుభ్రం చేయండి. వెంటనే సింక్ను వేడి నీటితో, సబ్బుతో క్షుణ్ణంగా కడగండి. పచ్చి చికెన్ను ఫ్రిజ్లో నిల్వ ఉంచడం ఎప్పుడూ మంచిదికాదు. దీనివల్ల బ్యాక్టీరియా ఇతర ఆహార పదార్థాలకు వ్యాపించే ప్రమాదం పెరుగుతుంది. అందువల్ల చికెన్ను ఎల్లప్పుడూ మూసి ఉంచాలి. చికెన్ను శుభ్రం చేసిన తర్వాత కనీసం 20 సెకన్ల పాటు సబ్బుతో మీ చేతులను శుభ్రంగా కడుక్కోవాలి.
గమనిక: ఇక్కడ అందించిన సమాచారం, పరిష్కారాలు సాధారణ జ్ఞానంపై ఆధారపడి ఉన్నాయి. మేము వాటిని ఆమోదించడం లేదు. దయచేసి వాటిని అనుసరించే ముందు వైద్య నిపుణుడిని సంప్రదించండి.
మరిన్ని ఆరోగ్య కథనాల కోసం ఇక్కడ క్లిక్ చేయండి.