టాలీవుడ్ ఇండస్ట్రీలో గాయనిగా తనకంటూ ప్రత్యేక గుర్తింపు సంపాదించుకుంది శ్రావణ భార్గవి. ఇప్పటివరకు ఎన్నో అద్భుతమైన పాటలు పాడి తనదైన ముద్ర వేసింది. ఇటీవల ఓ ఇంటర్వ్యూలో తన వ్యక్తిగత, వృత్తిపరమైన జీవితాల గురించి వివరించారు. కుటుంబ సంబంధాలపై, ముఖ్యంగా తల్లి-కుమార్తె బంధాలపై ఆమె తన ఆలోచనలను పంచుకున్నారు. టీనేజ్లో తల్లితో విభేదాలు రావడం సహజమని, తాను కూడా ఒకప్పుడు దూకుడు స్వభావం గల టీనేజర్గా ఉన్నానని గుర్తుచేసుకున్నారు. తన తల్లి ఎంతో సహనంతో, ప్రేమతో వ్యవహరించేవారని, ఇంట్లో ఎలాంటి సేవ అయినా అడగకుండానే చేసేవారని తెలిపారు. ఆకలేస్తే క్షణాల్లో భోజనం సిద్ధం చేసే తపనను పేర్కొన్నారు. ఒకప్పుడు తల్లి మాటలు నేరుగా ఉండేవని, అవి తనను ఇబ్బంది పెట్టేవని, ఇప్పుడు తన కూతురితో అదే తరహా సంభాషణలు జరుపుతున్నప్పుడు తల్లి పరిస్థితిని అర్థం చేసుకుంటున్నానని చెప్పారు. ఈ అనుభవంతో తాను మరింత మెరుగవ్వడానికి ప్రయత్నిస్తున్నానని పేర్కొన్నారు.
ఎక్కువ మంది చదివినవి : Jagapathi Babu : ఇప్పుడున్న హీరోలలో అతడంటే చాలా ఇష్టం.. మాట ఇస్తే నిలబెట్టుకుంటాడు.. జగపతి బాబు..
తండ్రితో తన బంధం గురించి మాట్లాడుతూ, ఇరవై ఏళ్లు దాటిన తర్వాత ఇద్దరూ మరింత స్నేహపూర్వకంగా మారారని, పెద్దల స్థాయి చర్చలు జరిపేవారని తెలిపారు. తన తండ్రి ప్రేమ భాష వస్తువులను అందించడం అని, ఆయనకు తెలిసిన అత్యుత్తమ సౌకర్యాలను తమకు కల్పించారని శ్రావణ భార్గవి వెల్లడించారు. అప్పట్లో దాన్ని కఠినత్వం అనుకున్నప్పటికీ, ఇప్పుడు అది ఆయన ప్రేమను వ్యక్తీకరించే పద్ధతి అని అర్థమైందని, తద్వారా తమ తల్లిదండ్రులకు అదే ప్రేమను తిరిగి ఇవ్వడానికి ప్రయత్నిస్తున్నామని చెప్పారు.
ఎక్కువ మంది చదివినవి : Murali Mohan: ఆరోజు బాలకృష్ణ చేసిన పని ఇప్పటికీ మర్చిపోలేను.. ఉదయాన్నే 5 గంటల వరకే.. మురళిమోహన్ కామెంట్స్..
సంగీత ప్రయాణం గురించి ప్రస్తావిస్తూ, ప్రస్తుతం తన ఆల్బమ్లను తన యూట్యూబ్ ఛానెల్లోనే విడుదల చేస్తున్నానని, దీనికి ప్రధాన కారణం తెలుగులో స్వతంత్ర మ్యూజిక్ లేబుల్స్ కొరవడడమేనని శ్రావణ భార్గవి వివరించారు. ఉత్తరాదిలో డెఫ్ జామ్, వార్నర్ మ్యూజిక్, యూనివర్సల్ మ్యూజిక్ వంటి ప్రఖ్యాత లేబుల్స్ ఇండిపెండెంట్ సంగీతానికి మద్దతు ఇస్తున్నాయని, తమిళనాడులో థింక్ ఇండి వంటి లేబుల్స్ ఉన్నాయని, సాయి అభ్యంకర్ వంటి కళాకారులు వాటి ద్వారా తమ పాటలను విడుదల చేశారని చెప్పుకొచ్చారు. ఒక మ్యూజిక్ లేబుల్ ఒక కళాకారుడి కెరీర్ను తీర్చిదిద్దడంలో ఎంతో సహాయపడుతుందని, రైటర్లు, ప్రొడ్యూసర్లు, టెక్నీషియన్లు, స్టూడియో, మార్కెటింగ్ వంటి అన్ని సేవలను అందిస్తుందని ఆమె అన్నారు.
ఎక్కువ మంది చదివినవి : Trisha : ఆ హీరోను చూసి చాలా గిల్టీగా ఫీలయ్యా.. అతడంటే చాలా ఇష్టం.. హీరోయిన్ త్రిష కామెంట్స్..
ఎక్కువ మంది చదివినవి : Kajal : నా ఫస్ట్ క్రష్ అతడే.. ఇప్పటికీ నాకు మంచి స్నేహితుడిగా ఉన్నాడు.. హీరోయిన్ కాజల్..