స్థానిక పోలీసులు ఆశించిన సహాయం అందించనప్పుడు, బేబీ స్వయంగా హత్య కేసును దర్యాప్తు చేయాలని నిర్ణయించుకుంటుంది. ఈ దర్యాప్తు సమయంలో ఆమెకు అనేక కుటుంబ రహస్యాలు , ద్రోహాలు ఎదురవుతాయి. ఇది కేవలం ఒక హత్య కేసును దర్యాప్తు చేసే చిత్రం మాత్రమే కాదు. ఇది ఒక మహిళా పోలీస్ అధికారి వ్యక్తిగత జీవితంలోని పోరాటాలకు కూడా ప్రాధాన్యత ఇస్తుంది. ఇంట్లో భర్త , అత్తమామల నిర్లక్ష్యం, పని చేసే చోట పురుషాధిక్య భావజాలం, అదే సమయంలో హత్య కేసును పరిష్కరించాల్సిన బాధ్యత వంటివి ఈ కథలో కనిపిస్తాయి.