ప్రొటీన్ లోపిస్తే శరీరం పాత కణాలను సరిచేసే శక్తిని కోల్పోయి త్వరగా నీరసం, చర్మంపై ముడతలు, విపరీతమైన జుట్టు రాలడం వంటి సమస్యలు మొదలవుతాయి. ప్రొటీన్ అంటే కేవలం జిమ్కు వెళ్లేవారికే కాదు.. గృహిణుల నుండి ఉద్యోగులు, పిల్లలు, వృద్ధుల వరకు ప్రతి ఒక్కరికీ అత్యంత అవసరం. ఖరీదైన సప్లిమెంట్లతో పనిలేకుండా మన వంటింట్లోనే తక్కువ ఖర్చుతో లభించే సహజసిద్ధమైన ప్రొటీన్ ఆహారాలు ఇక్కడ చూద్దాం.
అతి తక్కువ ఖర్చుతో లభించే ప్రొటీన్ ఆహారాలు: సోయా చంక్స్: ప్రొటీన్ ప్రపంచంలోనే ఇది రారాజు. 100 గ్రాముల సోయా చంక్స్లో ఏకంగా 52 గ్రాముల ప్రొటీన్ లభిస్తుంది. శాఖాహారులకు ఇది మాంసాహారాన్ని మించిన బలాన్ని ఇస్తుంది.
సోయాబీన్స్: 100 గ్రాముల సోయాబీన్ గింజలలో సుమారు 36 గ్రాముల ప్రొటీన్ ఉంటుంది. వేరుశనగలు: పేదల బాదంగా పిలిచే 100 గ్రాముల పల్లీలలో 26 గ్రాముల ప్రొటీన్తో పాటు గుండెకు మేలు చేసే మంచి కొవ్వులు లభిస్తాయి. చికెన్ బ్రెస్ట్: మాంసాహారులకు తక్కువ కొవ్వుతో 100 గ్రాముల్లో 25 గ్రాముల నాణ్యమైన ప్రొటీన్ అందుతుంది.
మొలకెత్తిన పెసలు: 100 గ్రాముల పెసలలో 24 గ్రాముల ప్రొటీన్ ఉంటుంది. మొలకలు కట్టడం వల్ల విటమిన్లు పెరిగి సులభంగా జీర్ణమవుతాయి. పప్పు ధాన్యాలు (కందిపప్పు, పెసరపప్పు): 100 గ్రాముల పప్పులలో 22 నుండి 24 గ్రాముల ప్రొటీన్ ఉంటుంది.
రాజ్మా & వేయించిన శనగలు / సత్తు పిండి: 100 గ్రాముల రాజ్మాలో 20-24 గ్రాములు, వేయించిన శనగలు లేదా సత్తు పిండిలో 22 గ్రాముల ప్రొటీన్ లభిస్తుంది. పన్నీర్ & గుడ్లు: 100 గ్రాముల పన్నీర్లో 20 గ్రాముల ప్రొటీన్, రెండు గుడ్ల ద్వారా సుమారు 13 గ్రాముల నాణ్యమైన ప్రొటీన్ అందుతుంది.
మిల్లెట్స్ (కొర్రలు, జొన్నలు, సజ్జలు, రాగులు): వీటిలో 100 గ్రాములకు 8 నుండి 12 గ్రాముల ప్రొటీన్ లభిస్తుంది. అయితే ప్రతి మనిషికి రోజుకు ఎంత ప్రొటీన్ అవసరం తెలుసా? ఒక సాధారణ ఆరోగ్యవంతుడైన వ్యక్తి తన శరీర బరువులో ప్రతి కిలోగ్రాముకు 1 గ్రాము ప్రొటీన్ తీసుకోవాలి. ఉదాహరణకు 60 కిలోల బరువుంటే రోజూ 60 గ్రాముల ప్రొటీన్ అవసరం. వ్యాయామం చేసేవారు కిలో బరువుకు 1.5 గ్రాముల వరకు తీసుకోవచ్చు. సహజ ఆహారాల ద్వారా తీసుకునే ప్రొటీన్ వల్ల కిడ్నీలకు ఎలాంటి హానీ జరగదు. కాబట్టి ఆహారంలో ఈ సహజ ప్రొటీన్లను భాగం చేసుకుని సంపూర్ణ బలాన్ని పొందండి!