టెస్లా, స్పేస్‌ఎక్స్ అధినేత ఎలాన్ మస్క్ ఇండియా పీఎం అంబానీనా? అంటూ చేసిన వ్యంగ్య వ్యాఖ్యలు తీవ్ర దుమారం రేపాయి. భారత్‌లో స్టార్‌లింక్ సేవలకు లైసెన్సింగ్ ప్రక్రియలో జరుగుతున్న జాప్యంపై మస్క్ సోషల్ మీడియాలో స్పందించినప్పుడు ఈ వ్యాఖ్యలు చేశారు. దీనిపై ప్రముఖ నటుడు, రాజ్యసభ సభ్యుడు కమల్ హాసన్ దీటుగా బదులిచ్చారు. ఏ బిలియనీర్ అయినా, అది భారతీయుడైనా, అమెరికన్ అయినా దేశ విధానాలను నిర్దేశించలేరని స్పష్టం చేశారు. ప్రతి దేశం తన సొంత ప్రయోజనాల ఆధారంగానే నిర్ణయాలు తీసుకుంటుందని ఆయన వ్యాఖ్యానించారు.స్వేచ్ఛా వాణిజ్యం గురించి మాట్లాడే పాశ్చాత్య దేశాలు కూడా రక్షణాత్మక విధానాలను పాటిస్తున్నాయని కమల్ హాసన్ విమర్శించారు. చైనా ఎలక్ట్రిక్ వాహనాలపై అమెరికా 100 శాతం సుంకాలు విధించి తన దేశీయ పరిశ్రమను కాపాడుకుంటున్న విషయాన్ని ఆయన గుర్తుచేశారు. అదే విధంగా భారత్ కూడా తన దేశీయ తయారీ రంగాన్ని పరిరక్షించుకోవడానికి చర్యలు తీసుకుంటుందని పేర్కొన్నారు.