జ్యోతిషశాస్త్రం ప్రకారం బుధ, రవులు కలవడం ఒక విశిష్ట యోగం. బుధాదిత్య యోగమనీ, సూక్ష్మ బుద్ధి యోగమనీ వ్యవహరించే ఈ యోగం వల్ల ప్రధానంగా తెలివితేటలు చురుకుగా పని చేయడం, నైపుణ్యాలు వృద్ధి చెందడం, వ్యవహార శైలి మెరుగుపడడం, సమస్యల్ని పరిష్కరించుకోవడం వంటివి జరుగుతాయి. ఈ నెల (జూన్) 16 నుంచి ఆరు రోజుల పాటు మిథున రాశిలో బుధ, రవుల యుతి జరుగుతోంది. బుధుడికి స్వస్థానమైనందువల్ల ఈ రాశిలో బుధాదిత్య యోగం మరింత ప్రబలంగా పనిచేస్తుంది. వృషభం, మిథునం, సింహం, కన్య, తుల, ధనూ రాశుల వారికి అంచనాలకు మించిన పురోగతి ఉంటుంది.