తమిళ చిత్ర పరిశ్రమలో ఇటీవల చిన్న సినిమాగా విడుదలై బాక్సాఫీస్ వద్ద పెను సంచలనం సృష్టించిన చిత్రం ‘యూత్’ (Youth). కంటెంట్ ఉంటే ప్రేక్షకులు బ్రహ్మరథం పడతారని మరోసారి నిరూపించిన ఈ కమింగ్ ఆఫ్ ఏజ్ రొమాంటిక్ కామెడీ డ్రామా, ఇప్పుడు డిజిటల్ ప్లాట్ఫామ్లో సందడి చేసేందుకు సిద్ధమైంది. థియేటర్లలో భారీ విజయాన్ని అందుకున్న ఈ చిత్రం, ప్రముఖ ఓటీటీ సంస్థ నెట్ఫ్లిక్స్లో త్వరలోనే విడుదల కానుంది. కెన్ కరుణాస్ హీరోగా నటిస్తూ స్వయంగా దర్శకత్వం వహించిన ఈ సినిమా, కేవలం తమిళనాడులోనే రూ. 50 కోట్లకు పైగా గ్రాస్ వసూళ్లను సాధించి ట్రేడ్ వర్గాలను ఆశ్చర్యపరిచింది. యువత మనోభావాలు, నేటి తరం ఎదుర్కొనే సవాళ్లు, స్నేహం మరియు ప్రేమ నేపథ్యంలో సాగే కథాంశం ప్రేక్షకులకు బాగా కనెక్ట్ అయ్యింది. తమిళంతో పాటు తెలుగులోనూ డబ్బింగ్ రూపంలో విడుదలై మంచి ఆదరణ పొందింది.
ఎక్కువ మంది చదివినవి : RGV : సినిమా చండాలంగా ఉంది.. కుదిరితే ఆపేయ్యమని చెప్పారు.. కానీ.. ఇండస్ట్రీని షేక్ చేసింది.. రామ్ గోపాల్ వర్మ..
తాజా సమాచారం ప్రకారం, నెట్ఫ్లిక్స్ ఈ సినిమా డిజిటల్ హక్కులను భారీ ధరకు దక్కించుకుంది. ఏప్రిల్ 17, 2026 నుండి ఈ చిత్రం నెట్ఫ్లిక్స్లో స్ట్రీమింగ్ అయ్యే అవకాశం ఉందని సమాచారం. కేవలం తమిళంలోనే కాకుండా తెలుగు, హిందీ, కన్నడ, మలయాళ భాషల్లో కూడా ఒకేసారి అందుబాటులోకి రానుంది. దీనిపై త్వరలోనే అధికారిక ప్రకటన వెలువడనుంది.
ఎక్కువ మంది చదివినవి : Cinema : ఇండియాలో నిజంగా జరిగిన కథ.. ఓటీటీలో దుమ్మురేపుతున్న థ్రిల్లర్ మూవీ.. తెలుగులోనూ స్ట్రీమింగ్..
ఈ చిత్రంలో అనీష్మా అనిల్ కుమార్, ప్రియాన్షి యాదవ్ , మీనాక్షి దినేష్ కథానాయికలుగా నటించారు. సీనియర్ నటులు దేవదర్శిని, సూరజ్ వెంజారమూడు కీలక పాత్రల్లో మెప్పించారు. జి.వి. ప్రకాష్ కుమార్ అందించిన సంగీతం ఈ సినిమా విజయానికి ప్రధాన బలంగా నిలిచింది. పర్వత ఎంటర్టైన్మెంట్స్ , స్ట్రీట్ బాయ్ స్టూడియోస్ సంయుక్తంగా ఈ చిత్రాన్ని నిర్మించాయి.
ఎక్కువ మంది చదివినవి : Meena: ఏంటీ మేడమ్ మీరు.. మీనా ఎంతవరకు చదువుకుందో తెలుసా.. ? అసలు విషయం చెప్పిన హీరోయిన్.
ఎక్కువ మంది చదివినవి : Tanikella Bharani: ఆ సినిమా ఒక నిశబ్ధ విప్లవం.. తెలుగులోనే వచ్చిన గొప్ప చిత్రం.. తనికెళ్ల భరణి కామెంట్స్..