తన అందం, చలాకీతనం, వాక్చాతుర్యంతో తెలుగు బుల్లితెరపై స్టార్ యాంకర్గా దూసుకుపోతున్న శ్రీముఖి, తాజాగా వెండితెరపై క్రేజీ ప్రాజెక్ట్ మా ఇంటి బంగారంలో భాగమయ్యారు. టాలీవుడ్ అగ్ర కథానాయిక సమంత స్వీయ నిర్మాణంలో, ప్రముఖ దర్శకురాలు నందినీ రెడ్డి దర్శకత్వంలో తెరకెక్కిన ఈ సినిమాలో శ్రీముఖి ఒక కీలక పాత్రలో నటించారు. జూన్ 19న ఈ చిత్రం విడుదల కానున్న నేపథ్యంలో, సోమవారం హైదరాబాద్లో చిత్ర ట్రైలర్ లాంచ్ వేడుకను ఘనంగా నిర్వహించారు. ఈ వేదికపై శ్రీముఖి సినిమా విశేషాలు మరియు సమంతతో తనకున్న ఆన్-స్క్రీన్ వైరాన్ని గురించి ఆసక్తికరమైన వ్యాఖ్యలు చేశారు.
ట్రైలర్ లాంచ్లో యాంకర్ సమీరా భరద్వాజ్ శ్రీముఖిని ప్రశ్నిస్తూ, “టీవీ షోలలో అంత వయలెంట్గా (లౌడ్గా) ఉండే నువ్వు, ఈ సినిమాలో ఇంత సైలెంట్ క్యారెక్టర్ ఎలా చేశావు? కష్టంగా అనిపించిందా?” అని అడిగారు. దానికి శ్రీముఖి తనదైన శైలిలో స్పందిస్తూ, “ఈసారి వయలెన్స్ అంతా సామ్ (సమంత)కి ఇచ్చేసి, సైలెన్స్ నేను తీసుకున్నాను. నిజంగా సైలెంట్గా ఉండటం నాకు చాలా కష్టంగా అనిపించింది” అని నవ్వుతూ చెప్పారు. సినిమాలో తాను చిన్న కోడలిగా, సమంత పెద్ద కోడలిగా నటించినట్లు క్లారిటీ ఇచ్చారు.
సమంతతో సినిమాలో మీ ఇద్దరి మధ్య 'కోల్డ్ వార్' ఎలా ఉండబోతోంది అన్న ప్రశ్నకు శ్రీముఖి బదులిస్తూ… “సినిమాలో మా ఇద్దరికీ అస్సలు పడదు. ఆల్మోస్ట్ జుట్లు పట్టుకుని కొట్టుకునేంత వరకు వెళ్లాం. అయితే వారి మధ్య అసలు ఏం జరిగిందో తెలుసుకోవాలంటే సినిమాను థియేటర్లలోనే చూడాలి” అని సస్పెన్స్ క్రియేట్ చేశారు. చాలా గ్యాప్ తర్వాత ఈ సినిమాలో నటించడానికి గల కారణాన్ని శ్రీముఖి వివరించింది. “సమంత గారి పక్కన నటించడానికి ప్రత్యేకంగా కారణాలు అవసరమా? ఆమె ఆన్-స్క్రీనే కాదు, ఆఫ్-స్క్రీన్ కూడా ఎంత బంగారమో అందరికీ తెలుసు.
ఆమె యాక్షన్ను లైవ్లో చూడాలనే కోరికతోనే ఈ ప్రాజెక్ట్కు ఓకే చెప్పాను. సమంత గారి పూర్తి స్థాయి తెలుగు సినిమా కమ్బ్యాక్ కోసం ఎదురుచూస్తున్న కోట్లాది మంది అభిమానులలో నేను కూడా ఒకరిని” అని తన అభిమానాన్ని చాటుకున్నారు. 'ట్రాలాలా మూవింగ్ పిక్చర్స్' బ్యానర్పై రాజ్ నిడిమోరు, సమంత, హిమాండ్ దువ్వూరులు సంయుక్తంగా ఈ చిత్రాన్ని నిర్మించారు. ఈ కంప్లీట్ ఫ్యామిలీ ఎంటర్టైనర్లో శ్రీముఖితో పాటు గుల్షన్ దేవయ్య, దిగంత్ మంచాలే, గౌతమి తదితరులు ముఖ్య పాత్రలు పోషించారు.
Sreemసంతోష్ నారాయణన్ ఈ చిత్రానికి సంగీతాన్ని అందించారు. జూన్ 19న విడుదల కాబోతున్న ఈ చిత్రం సమంత అభిమానులతో పాటు, ఫ్యామిలీ ఆడియన్స్ను కచ్చితంగా అలరిస్తుందని శ్రీముఖి ధీమా వ్యక్తం చేశారు. శ్రీముఖి సమంతను కేవలం తెరపైనే కాకుండా, నిజ జీవితంలోనూ ఒక “బంగారం” అని ప్రశంసించారు. సమంతతో కలిసి ఒక యాక్షన్ చిత్రంలో పనిచేయడం తనకు చాలా అదృష్టంగా భావిస్తున్నట్లు తెలిపారు. దర్శకురాలు నందినికి, అలాగే “అవర్ ఫ్యామిలీ మ్యాన్” రాజ్ సర్ కు కృతజ్ఞతలు తెలిపారు. మా ఇంటి బంగారం ఒక పూర్తి స్థాయి కుటుంబ కథా చిత్రమని, ఇది మరింత కారణాల అవసరం లేని ఒక గొప్ప ప్రాజెక్ట్ అని శ్రీముఖి అన్నారు.