నవజాత శిశువు ఆరోగ్యం: శాస్త్రీయ కోణం ప్రకారం, ఆషాఢ మాసం సాధారణంగా జూన్-జూలై నెలల్లో వస్తుంది. ఒకవేళ ఈ నెలలో కొత్త జంట కలిసి ఉండి, స్త్రీ గర్భం దాల్చితే.. సరిగ్గా తొమ్మిది నెలల తర్వాత అంటే వచ్చే చైత్ర లేదా వైశాఖ మాసంలో (మార్చి-ఏప్రిల్-మే) కాన్పు జరుగుతుంది. ఆ సమయంలో భారతదేశంలో వేసవి తీవ్రత ఎక్కువగా ఉంటుంది. విపరీతమైన ఎండల వల్ల పుట్టిన పసిబిడ్డకు, బాలింతకు ఇన్ఫెక్షన్లు రావడం, డీహైడ్రేషన్ బారిన పడటం వంటి ఆరోగ్య సమస్యలు తలెత్తుతాయి. పూర్వకాలంలో వైద్య సదుపాయాలు తక్కువగా ఉండటం వల్ల, ఎండల తీవ్రత నుండి తల్లిని, బిడ్డను రక్షించడానికే ఈ నియమాన్ని పెట్టారు.