థియేటర్లలో బాగా ఆడిన కొన్ని రోజుల తర్వాత సినిమాలు ఓటీటీ ప్లాట్ఫామ్లలో విడుదలవుతాయి. దీనివల్ల నిర్మాతలకు బాక్సాఫీస్ వసూళ్లు, ఓటీటీ ఒప్పందాలు రెండింటి నుంచీ ఆర్థికంగా లాభం చేకూరుతుంది. అయితే, బాక్సాఫీస్ వద్ద విఫలమైన చిత్రాలకే అతిపెద్ద ప్రయోజనం చేకూరుతుంది. ఓటీటీలో వాటికి కొత్త జీవితం లభిస్తుంది. ఇప్పుడు మనం మాట్లాడుకుంటున్న ఓ సినిమా థియేటర్లలో ప్లాప్ అయ్యింది. అంతేకాదు రెండేళ్ల తర్వాత ఓటీటీలో దూసుకుపోతుంది. దాదాపు రెండు సంవత్సరాలకు ఈ సినిమాను తెగ చూస్తున్నారు.
మనం మాట్లాడుకుంటున్న సినిమా పేరు కంగువా. అవును.. 2024లో విడుదలైన 'కాంగువా' చిత్రం థియేటర్లలో ఆశించిన స్థాయిలో రాణించలేకపోయింది. అయితే, ఇప్పుడు రెండు సంవత్సరాల తర్వాత, ఈ చిత్రం ఓటీటీలో కొత్త ప్రేక్షకులను ఆకర్షిస్తున్నట్లు కనిపిస్తోంది. ప్రస్తుతం, భారతదేశంలోని జియో హాట్స్టార్ టాప్ 10 జాబితాలో 'కాంగువా' ఐదవ స్థానంలో ఉంది.
'కంగువా' భారీ బడ్జెట్తో నిర్మించిన ఒక ఫాంటసీ యాక్షన్ చిత్రం. ఈ చిత్రాన్ని సుమారు రూ. 350 కోట్ల బడ్జెట్తో నిర్మించగా, థియేటర్ల నుండి సుమారు రూ. 106 కోట్లు మాత్రమే వసూలు చేసింది. ఈ కారణంగా, ఈ చిత్రం థియేట్రికల్ బిజినెస్లో ఆశించిన విజయాన్ని అందుకోలేకపోయింది. ఈ సినిమాలో కథనం, మేకింగ్ పై తీవ్ర స్థాయిలో విమర్శలు వచ్చాయి. ఇక సూర్య ఎప్పటిలాగే తన నటనతో ప్రశంసలు అందుకున్నారు.
'కంగువా' కథ రెండు వేర్వేరు కాలాల్లో సాగుతుంది. ఒకవైపు ఆధునిక కాలంలోని ఫ్రాన్సిస్ థియోడర్ , జెటాల కథ ఉండగా, మరోవైపు వందల సంవత్సరాల క్రితం నాటి యోధుడు కాంగువా కథ ఉంది. ఈ రెండు కథలు పునర్జన్మ అనే భావన ద్వారా కలిపి ఉంటాయి. ఇందులో బాబీ డియోల్ ఉధిరన్ అనే ప్రతినాయకుడి పాత్రను పోషించారు. 'యానిమల్' తర్వాత, బాబీ డియోల్ ప్రతినాయక పాత్రలపై ప్రేక్షకులు ప్రత్యేకంగా ఆసక్తి కనబరిచారు. అందువల్ల, ఈ చిత్రంలో అతని రూపం , పాత్ర సినిమా చర్చనీయాంశంగా మారాయి.
కోలీవుడ్ స్టార్ హీరో సూర్య ప్రధాన పాత్రలో, ప్రముఖ దర్శకుడు శివ దర్శకత్వంలో తెరకెక్కిన భారీ పీరియాడిక్ అండ్ మైండ్-బెండింగ్ ఫాంటసీ ఆక్షన్ డ్రామా ప్రస్తుతం ఓటీటీలో దూసుకుపోతుంది. ప్రపంచవ్యాప్తంగా దాదాపు 3D, IMAX ఫార్మాట్లలో పాన్-ఇండియా స్థాయిలో విడుదలైన ఈ సినిమా, విజువల్స్ పరంగా భారీ ఎక్స్పీరియన్స్ను అందించింది. ఈ చిత్రానికి దేవి శ్రీ ప్రసాద్ సంగీతం అందించారు.