ఆమె ఫిట్నెస్ గురించి అడగ్గా, తాను ఫిట్నెస్ ఫ్రీక్ కాదని, తన సన్నటి శరీరం జన్యుపరమైనదని స్పష్టం చేశారు. తాను వ్యాయామం చేయలేదని, బరువు పెరగడం కూడా కష్టమని తెలిపింది. అయితే, కథ డిమాండ్ చేస్తే, బలమైన స్క్రిప్ట్ ఉంటే శారీరక మార్పులకు సిద్ధమని తెలిపింది. తల్లి సెంటిమెంట్ కారణంగా జుట్టు కత్తిరించుకోవడానికి నిరాకరించానని, తన తల్లి తన పొడవాటి జుట్టును ఇష్టపడతారని తెలిపింది. ఆహార అలవాట్ల విషయానికి వస్తే, తాను ఎప్పుడూ ఆకలితో ఉండనని, మితంగా అన్ని రకాల ఆహార పదార్థాలను తింటానని పేర్కొంది. ప్రస్తుతం డైట్ పాటిస్తున్నానని, వర్కవుట్ చేయనప్పుడు ఆహారంపై దృష్టి పెట్టడం అవసరమని చెప్పుకొచ్చింది.