సోంపు బరువును ఎలా తగ్గిస్తుంది?: భారతదేశ జాతీయ పోషకాహార సంస్థ (National Institute of Nutrition – NIN) సమాచారం ప్రకారం, సోంపులో ఫైబర్ (పీచుపదార్థం), శరీరానికి అవసరమైన అనేక సూక్ష్మపోషకాలు (Micronutrients) పుష్కలంగా ఉన్నాయి. ఇవి జీర్ణవ్యవస్థను ఆరోగ్యంగా ఉంచుతాయి.
సోంపులోని యాంటీఆక్సిడెంట్లు శరీరంలో మెటబాలిజం (చయాపచయ క్రియ) రేటును పెంచుతాయి. దీనివల్ల క్యాలరీలు, ఫ్యాట్ వేగంగా బర్న్ అవుతాయి. అంతేకాకుండా, ఇది తరచూ ఆకలి వేసే అలవాటును (Food cravings) నియంత్రించి, కడుపు నిండిన అనుభూతిని కలిగిస్తుంది.
రాత్రి పడుకునే ముందు ఒకటి లేదా రెండు చెంచాల సోంపును ఒక గ్లాసు నీటిలో నానబెట్టాలి. ఉదయాన్నే ఈ నీటిని కొద్దిగా గోరువెచ్చగా చేసి, వడకట్టి పరగడుపున తాగాలి. ఇది జీర్ణక్రియను మెరుగుపరచడమే కాకుండా, కడుపు ఉబ్బరం (Bloating), గ్యాస్ సమస్యలను దూరం చేస్తుంది.
సాధారణ పాల చాయ్కి ప్రత్యామ్నాయంగా సోంపుతో హర్బల్ టీ తయారు చేసుకోవచ్చు. నీటిని బాగా మరిగించి అందులో సోంపు గింజలు వేసి కాసేపు ఉంచాలి. ఈ టీ తాగడం వల్ల శరీరంలోని విస పదార్థాలు బయటకు పోయి మెటబాలిజం పెరుగుతుంది. రాత్రి నానబెట్టిన సోంపు గింజలను ఉదయాన్నే నీటితో పాటు నమిలి తినడం వల్ల కూడా మంచి ఫలితం ఉంటుంది.
సోంపు గింజలను నూనె లేకుండా లైట్గా వేయించి ఒక జార్లో పెట్టుకోవాలి. ప్రతిరోజూ మధ్యాహ్నం, రాత్రి భోజనం చేసిన తర్వాత అర చెంచా వేయించిన సోంపును బాగా నమిలి తినాలి. ఇది తిన్న ఆహారం త్వరగా అరగడానికి సహాయపడుతుంది.
కేవలం సోంపు తినడం వల్లే రాత్రి రాత్రికి బరువు తగ్గిపోరు. దీనితో పాటు ప్రతిరోజూ సమతుల్యమైన పోషకాహారం తీసుకోవడం, తగినంత నిద్రపోవడం మరియు క్రమం తప్పకుండా వ్యాయామం చేయడం కూడా అంతే ముఖ్యం. మీ శరీర సామర్థ్యాన్ని బట్టి సోంపును మీ డైట్లో భాగం చేసుకోండి. అయితే కేవలం సోంపు తినడం వల్లే బరువు తగ్గరు. దీనితో పాటు సమతుల్య ఆహారం, వ్యాయామం ముఖ్యం.